السخــافة

موضوع: السخــافة الإثنين أكتوبر 15, 2007 12:02 pm

للأمانة هذا الموضوع منقول لكن حبيت أفيدكم منه

ليش نخاف نكون سخيفين أو نقول حاجة سخيفة أو نسوي حاجة سخيفة ؟؟؟
لما كنا صغار
كان الواحد إذا طاح .
. نقعد نضحك عليه
لما كبرنا
لما الواحد يطيح .. مانضحك عليه .. بالعكس .. نحاول نساااعده ونوقف معاااه

لما كنا صغار
لما الواحد يبكي .
. كنا نضحك عليه...
لما كبرنا
لما الواحد يبكي .. نحس إن فيه شي كبير وأكبر منه صاير له ومو قادر يتصرف أو يسوي أي شي .. أو ندري إن فيه
مصيبة ونقدر موقفه

لما كنا صغار
لما الواحد يكون حاس بشي غريب
.. يستحي يسأل الناس ويقول لهم عنه
لما كبرنا
لما الواحد يحس بشي غريب .. إما يسأل الدكتور .. أو يتكلم بكل جراءة قدام اللي حوله ويسألهم عااادي جداً
لما كنا صغار
لما الواحد يتعلم كلمة جديدة .. يخاف يستعملها عشان لاحد يضحك عليه[
لما كبرنالما الواحد يتعلمكلمة جديدة .. يستخدمها في أقرب فرصة تسنح له <<<<مثلي الحين متعلم تسنح له وعلى طول
استخدمتها

فيه حاجات لما نكون صغار مانفهمها زين ف نضحك منها ونخاف نسويها او نطيح فيها

فيه حاجات نفهمها أكثر لما نكون كبار ونتصرف فيها عاااادي جداً أو بطريقة تختلف عن الطريقة اللي كنا نستخدمها فيها لما كنا صغار...

وفيه أشياء .. نبقـــى نتصرف اتجاهها بنفس التصرف اللي كنا نسويه لما كنا صغار ..

مثل
ــــــموضوعالسخافهـــــــــ
لو واحد قال حاجة سخيفة وهو صغير ..تلاقي ناس يضحكون عليه .. وناس يحطمونه .. وناس ينكسر خاطرهم على
حاله بس يسكتون

وحتى لو واحد قالها وهو كبير .. يصير معه نفس الشي .. هالشي ماتغير فينا لان ماحد يتكلم فيه أو اللي يتكلمون
فيه مو كثير

لو تلاحظون .. السخافة أحيانا يطلع منها حاجات جوهرية ماحد يقدر يستغني عنها بالحياة

مثال

الصندوق الأسود حق الطيارات ..في زمن من الازمان ..

كان فيه عالم ألماني .. يعمل في مجال تحليل الطيارات بعد حوادث سقوطها
علشان يعرف كيف صار الحادث و إيش أسبابه
المهم .. جاته فكرة إنه يسوي جهاز يسجل كل العمليات اللي تصير بالطيارة .. مثل ضغطات الزر اللي ننادي فيها

المضيفة أو أي صوت صغير او كبير في مركز قيادة الطيارة أو اي حاجة تتغير في مركز القيادة .. وكان شكل النموذج
حق الصندوق الأبيض على شكل بيضتين حمراء .. وسما المشروع (البيض الأحمر

معلومة صغيرة لعيونكم الصندوق الأسود حق الطيارات لونه أصلا مو أحمر .. لونه .. ولا فيه نقطـة سواد وحدة .. والسبب إنه اللون البرتقالي لون [شااااذ جداً ف لو طاحت الطيارة في غابة أو في مكان كله أحجار او زبايل الله يكرمكم .. لما تجي هليكوبتر تمر من فوقه يمديهم يشوفونه لان لونه شاذ .. وحطوه برتقالي لامع علشان لما يكون وقت الظهر .. يطلع اللون البرتقالي قوي ويعمي مثل الفسفوري[

أوكي .. سماه البيض الاحمر لانه البرتقالي تقريباً شكله كأنه أحمر
عرض المشروع على رؤساه وضحكوا
عليه قالوا له مشروع فاشل ولاراح يزيد ولا ينقص في المعلومات اللي بنطلع فيها من تحليل بقايا الطيارات .. وماراح نستفيد منه والفلوس اللي بنصرفها عليه اكثر من اللي بيوفرها لنا وانت اصلا
ماعندك سالفة ماعمرك طلعت بنتيجة معانا
المهم حطموووووه وحسسوه إنه سخيف بقووووة
عرف الرجال إنه سخيف .. قال خلني أعرض سخافتي على ناس ثانيـــن ..

راح عرضه في .. طبعا الكثيــــــر كانت ردة فعلهم نفس ردة فعل الألمان قالوا إنه سخيف وانت طاق مشوار
[size=21]عالفاضي ومن هالكلام .. لكن كان فيه واحد ذكـــي

.. وعرف يحسبها صح .. وعرف إنه فيه شغلات ممكن تسهل
علينا بدال مانقعد نفتش ونسوي زحمـــة .. نسجل كل شي يصير في الطيارة ونعرف متى بدا الخلل وفي أي قسم
وإيش تعليقات القبطان قبل لايموت .. راح تساعدنا كثير .. وتبنـــى المشروع وبدا فيه والحين كل الطيارات فيها
صندوق أسود .. غصبن عن اللي يرضى واللي مايرضى السخافة يا إخوان هنا لعبت دور .. هو سوا حاجة مايدري إنها لهالدرجة قوية ومهمـة ولما حطموه الألمان درى إنها سخيفة
وإقتنع أكثر .. بس قال انا وش وراي .. سخافة سخافة عادي .. ما إستحى .. وراح عرضها على ناس ثانين وإنتبهوا.

السخافة أقدر أقول عنها بداية الإبتكارممكن يكون موضوعي هذا سخيف
بس من أحلا الحاجات اللي أحبها فيني
.. إني أقول أي شي يطري على بالي او أي شي بخاطري إني أقوله حتى
لو كان سخيف ... أحيانا يكون له تأثير على الجمهور اللي حولي .. وأخليهم يحسون بمعاني كلامي أكثر ... أو يحسون بمشاعري أكثر
.. صحيح أحيان يحطمون ويحسسوني بكلمة أو بأخرى إن سالفتي بايخة وسخيفة ..
لكن نفس الأسلوب ونفس الكلمات .. تكون لها نتايج أخرى في مواقف أخرى .. لما يكونون مثلاً في لحظات خمووول

بعد غدااا بخاااري مع لبن وشطـــة ..
اللــــــــــــــــــــــــــــــه .. ومتبطحين على المرااااكي <<يمين ويسار>> وماحد له خلللللق يغسل يدينه أو حتى يتحرك
.. هذي اللحظة شاعرية يا إخوان
من جد ترا .. الواحد يقول اللي بخاطره .. وعادي الأطراف
الثانية تتقبل الكلام وتبرمج الكلام اللي ينقال هذا كلن على هواه .. وماحد يحس إنه ماله داعي ينقال هالكلام ..
الكل يتقبل
المهم .. موضوع السخافة موضوع طويل و شائكـ

وأعتقد إن الحيا

في بعض الأمور مال أمه داعي .. مثل أمور السخافة .. الواحد يستحي إنه يسوي شي سخيف وماله

أهمية أو يقول شي سخيف وماله أهميـــة .. وأنا أعتقد إن هالشي مال أمه داعي .. بالعكس .. يقربك من اللي

حولك أكثر .. موشرط كل شي تقوله يكون مهم ..

]ممكن تعيش حياتك كلها ماقلت شي مهم
لكن ممكن تعيش حياتك كلها قلت فيها مليون حاجة سخيفة .. لو تجمعها مع بعضها سخافتين ثلاث سخافات كذا
مع بعض تعطينا شي مهم .. وسخافتين ثانيات مع سخافة كذا يعطونك حاجة ثانية مهمة ..
قليل مستمر .. خير من كثر منقطع

اللي مافهم شي يسألني وانا مستعد اشرح
واللي يبي يقول لي موضوعك سخيف يقول عادي

وأنا متأكد مليونبالمية إنكم وإنتم تقرون الموضوع هذا في بعض زواياه تحسون إني صادق وتحسون إني قلت حاجات حقيقية وماكانت تطري على بال أحد منكم إنه يقولها

أحد منكم جرب ياكل بيتزا سخيفة
تهبل وش حلاتهاشفتوا كيف

يالله كلكم صفقــــةتراني أستاهل

شكرا عالموضوع الروووووووووووووعه

thank you

مشكوووووووووووووور